Goma-Utafiti: Elvis Mutiri ana pitaka aye ?

Ba moya bana semaka kama ana ibaka ma élection ku corrompre tume huru la uchaguzi Ceni, bengine bana endeleya ku sena hafanyake campagne mais anapitaka ku kila élections.

Ile question ili acha redaction yetu ina fanya ma investigations juya Mutiri ku pita kila Mara ya ma elections mu République Démocratique du Congo.

Elvis Mutiri wabashara, iko na base yake kwenye ana fanyaka ma actions sociales bila ku leta fudjo. Ana saidiya batu mingi surtout ma côté ya ndosho, nyabushongo na mu quartier lac vert. Mutiri ana fanyaka ile ma actions au-delà ya kazi yake yaku teteya raiya bila ku julisha batu ku pitiya ma medias ginsi bengine batu bana fanyaka après ku pana Musaada.
«  Uku mu ndosho , Mutiri ana saidiya batu mingi , Niko parmi batu benye bana mu vitaka ju ni mutu mwenye ha tu prometrake Mai’s ana kuyaka ana sikiya shida zetu , mbele aende ana tu saidiya mu niveau yake ku zile shida zetu avant Abebe malalamiko yetu kinshasa. » alituelezeya Baba Jean Pierre ana ikalaka pembeni y’a stade y’a kabasha mu commune y’a karisimbi.

Bengine batu bana sema Kama Mutiri wa Bashara ana saidiyaka ba jeunes mingi ya Goma benye balishaka maliziya ku Université de Goma na benye bangali ako ba mingi ana balipiyaka masomo. Lakini kufanya bya ma paniques Ndjo hakuwake ndani.

«  Nashangalaka samina sikiya batu Biko na sema après ma elections Kama Mutiri ana ibaka ma elections, ule baba ni mutu muzima , na hawezi iba ma elections, ana pitaka ju population Ndjo ina mu votaka. Mutu mwenye Ana saidiyaka ba jeune mingi apa mu Goma, comment ma familles ya bale batu ita shindwa mu voter ? hayakuwaka na wakati yaku ji tapa ata siku moya Kama ashaka fanya kitu fulani ku faveur la population . » mere moya mwenye garçon wake leo ni magistrat , haku penda tu seme jina yake.

Mwengine mutu tulikutana alituelezeya kama partie mingi ya ndosho itakuwa na maji ya forage grâce ya Mutiri Wabashara mwenye ali lipa apa sasa ivi.

« Mutiri alituulizaka Kama tuko na besoin y’a maji y’a mu ma tanks Kama atutiliye maji yenye haita endaka , tukamuambiya yenye haita endaka Ndjo tuko nayo besoin . Na aka bifanya kupitiya forage. Siye tuna muchaguwaka na tunajuwa ana pitaka mu voix normal Apana bya bwizi . Ule papa ni sage parmi ba chache ya ba politiciens yetu apa Goma ».

Iyi tour Elvis Mutiri haku postuler ku députation nationale mais alitiya Ndjo ku provinciale aka acha ba jeunes yamu parti yake ba postuler ku deputation nationale na ku provinciale ba suppléants yake yote ni ba jeunes.

Victor Muhindo